Шинэлэг Бүхнийг Эндээс

Үндэсний соёл амралтын хүрээлэн болон"Apple”брэндийн албан ёсны борлуулагч Бодь электроникс хамтран фото зургийн уралдаан зарлаж байна. Залуус та бүхэн Паркад зохион байгуулагдаж буй "Halloween” баярт оролцонгоо дурсамжтай мөчөө фото зурагт үлдээгээрэй. Түрүүлсэн гэрэл зураг эзэндээ Дэлхийн хамгийн нимгэн нөүтбүүк MacBook Air-ийг авчирах болно. Мөн эхний шатанд шалгарсан бүтээлүүдийг http://www.facebook.com/EnteraStore хуудсанд байрлуулж олон нийтийн саналыг Facebook Like-аар авна. Хамгийн олон Like цуглуулсан оролцогчид IPod shuffle-ийг бэлэглэх бөгөөд таныг өөр бусад олон сонирхолтой шагналууд хүлээж байна. Дэлгэрэнгүй мэдээллийг 323486 утсаар болон, http://www.facebook.com/park.mongolia хуудаснаас аваарай

Өнөөдрийн гадаад дуу, клипний сандаа Америкийн хип хоп "Black Eyed Peas" хамтлагийн зургаа дахь студийн цомогт багтсан "XOXOXO" дууны клипийг хүргэж байна. Хамтлагийн гишүүн, реппэр will.i.am-ын бүтээсэн тус хамтлагийн гишүүдийн хүүхэлдэйн дүрслэлүүд болох "Baby Peas"-ийнхний дүрүүд бүхий энэхүү шинэ клип та бүхний шинэ клипний цуглуулганд хүндтэй байрыг эзлэн байрших бизээ. will.i.am, Fergie,Taboo, Apl.De.Ap. нарын бодит амьдрал дээрх онцлог шинж чанар, адал явдлын заримыг илэрхийлэн харуулдаг Baby Peas-ийнхний шинэ клипийг тухлан үзээрэй.

Black Entertainment Television буюу Америкийн BET кабелийн телевизээр жил болгон цацдаг, хип хоп хөгжмийн төлөөлөгчид, уран бүтээлчид, продюсерууд, клипний найруулагчдын BET Hip Hop Awards шагнал гардуулах ёслолын энэ жилийн арга ажиллагаа 2011 оны 10-р сарын 11-ний өдөр амжилттай зохион байгуулагдсан байна. Энэ жилийн наадмын ажиллагааг Америкийн инээдмийн жүжигчин, реппэр, дуучин Mike Epps, Америкийн дуу бичлэгийн продюсер DJ Premier нар хөтлөн явуулсан бөгөөд хип хоп урлагийн шилдгүүдийг тодруулж, шагнадаг тус наадмын бичлэгийг үзэгч та бүхний хүртээл болгож байгаадаа баяртай байна. Тухлан сууж таалан сонирхохыг урья.

Хятадын тулааны урлагийн мастер, жүжигчин, кино продюсер, олон улсын кино од Jet Li-гийн тоглосон "The Sorcerer and the White Snake" хэмээх киног үзэгч та бүхний амралтын өдөрт зориулан хүргэж байна. Гонконгийн кино найруулагч Ching Siu-tung-ын найруулсан, Legend of the White Snake хэмээх хятадын домгоос сэдэвлэн бүтээгдсэн энэхүү кино 2011 оны 9-р сарын 3-ны өдөр Венецийн олон улсын кино фестиваль дээр анхлан дэлгэцнээ гарч, 9-р сарын 29-нд Гонконгод нээлтээ хийсэн байна.

Итали-Америк гаралтай зохиолч, кино зохиолч Mario Puzo-гийн гэмт хэргийн сэдэвт The Godfather зохиолоос сэдэвлэн бүтээгдсэн "The Godfather" хэмээх гэмт хэргийн сэдэвт киног мэдэхгүй хүн үгүй. Энэхүү алдарт дэлгэцийн бүтээлийн гурван ангийг үзээгүй хүн байхгүй бизээ. Харин та уг тоглоомыг одоо болтол тоглоогүй юм биш биз. Тоглоомыг EA хөгжүүлж хэвлэн гаргасан юм. 3-th person shooter ангилалд орох бөгөөд action төрлийн тоглоом. Ерөнхийдөө тоглоом маант Grand Theft Auto-той төстэй боловч илүү таны ур ухаан, сэтгэх бодох, бизнес чадварыг тань шалгах болно.

Зиа энийг зарим нэг сайн мэдэх байх ихэнхи DLE сайтууд ашигладаг. Гэхдээ энэ яг тэр ч биш гэсэн жоохон төстэй болгож хийлээ. Тэгхээр энэ нь tooltip буюу тайлбар ашигладаг тул сайтдаа tooltip хийгээрэй.

Айдсын бодит ертөнцөөр аялах "Halloween 2011” сонирхолтой, зугаатай аялал Үндэсний Соёл Амралтын Хүрээлэнд эхлэх гэж байна. Энэ сарын 15-ны өдрөөс 31-ний хооронд зохиогдох уг хөтөлбөр аймшгийн ертөнцийг бодит утгаар нь бүрдүүлэхээс гадна баярт оролцох хүсэлтэй хэн бүхэнд зориулсан тусгай хөтөлбөрүүд, олон гэнэтийн бэлгийг барихаар бэлдлээ. Монголчууд бид 10-р сарын сүүлийн ганц өдөр Halloween баярын тухай сонсоод өнгөрдөг байсан уламжлалыг халж, хагас сарын турш энэ гайхамшигт баярыг жинхэнэ утгаар нь тэмдэглэцгээе, залуусаа.

L-Guards хамтлагаас ганцаараа уран бүтээлийн мөрөө хөөж үлдсэн дуучин Баясаа ганцаарчилсан хоёр дахь уран бүтээл болох "Ээжийгээ хайрлая" нэртэй дуундаа клип хийлгэсэн байна. Энэхүү дууны үг, аяыг L-Guards хамтлагийн гишүүн Бүдээ зохиосон ба Бүдээ бол дуучин Баясаагийн төрсөн ах нь билээ. Дууны клипийг Дадал фильмд хийж гүйцэтгэсэн бөгөөд нэгэн цагт нэг хамтлаг болон уран бүтээлээ сонсогчиддоо хүргэж байсан ах дүү хоёрын ээжийнхээ дурсгалд зориулан бүтээсэн шинэ уран бүтээл та бүхний таалалд нийцнэ гэдэгт итгэж байна.

2011 оны 10-р сарын 28-ны өдөр нээлтээ хийх "Puss in Boots" хэмээх адал явдалт, хүүхэлдэйн киноны талаарх товч танилцуулга болон зураг, трейлерийг та бүхэнд толилуулж байна. Shrek the Third киног найруулсан, Америкийн хүүхэлдэйн кино бүтээгч Chris Miller-ийн найруулж, Испаний жүжигчин Antonio Banderas, Америкийн жүжигчин Billy Bob Thornton, Мексик-Америк жүжигчин Salma Hayek нарын тоглосон энэ кинонд Shrek цувралын гол баатруудын нэг, Гуталт Муур буюу Puss in Boots-ын Shrek 2 кинонд гарахаас өмнөх үеийн адал явдлыг харуулжээ.